მე ვიცოდი, რომ პრემიერმინისტრი ამ თემაზე ფიქრობდა, მაგრამ როდის მიიღებდა ის გადაწყვეტილებას და რა მომენტში, ეს მისი გადასაწყვეტი იყო. მან თავისი გადაწყვეტილება ძალიან მკაფიოდ და ნათლად დაასაბუთა. მან განაცხადა იმის შესახებ, რომ კოალიცია ქართულმა ოცნებამ ქართულ სინამდვილეში სხვა ტრადიციების დამკვიდრება დაიწყო. მე შეგახსენებთ, თუ რა ხდებოდა საქართველოში ძალაუფლების მოსაპოვებლად ან ძალაუფლების შესანარჩუნებლად უახლოესი წლების განმავლობაში, დამოუკიდებლობის ბოლო 20-25 წლის განმავლობაში. ჩვენ შემთხვევაში პირველმა პრემიერმინისტრმა ბიძინა ივანიშვილმა ერთი წლის შემდეგ დატოვა ძალაუფლება და მან ჩათვალა საჭიროდ, რომ მიეცა თავისი გუნდის სხვა წევრებისთვის ასპარეზი და ირაკლი ღარიბაშვილმა იგივე ნაბიჯი გადადგა და მე დარწმუნებული ვარ, ეს ტრადიცია გაგრძელდება იმიტომ, რომ ჩვენ პრემიერები, სპიკერები, პრეზიდენტები არ გვჭირდება სიცოცხლის ბოლომდე. ჩვენ გვჭირდება მანამ, სანამ ადამიანები თავად გრძნობენ, რომ შეუძლიათ საქმის კეთება, აქვთ სათანადო ენერგია, მონდომება და ენთუზიაზმი.
ღარიბაშვილის გადადგომა
უსუფაშვილი: პრემიერები, სპიკერები, პრეზიდენტები არ გვჭირდება სიცოცხლის ბოლომდე
tbl.ge/dwa
დაკოპირდა
პარლამენტის თავმჯდომარე დავით უსუფაშვილი ირაკლი ღარიბაშვილის გადადგომაზე.
ამავე თემაზე
- უსუფაშვილი: ვურჩევდი ღარიბაშვილს, ახალი წელი რაც შეიძლება ხანგრძლივად იზეიმოს
- უსუფაშვილი ღარიბაშვილის გადადგომაზე: მჯობზე მჯობი არასოდეს დაილევა
- ცისკარიშვილი: ივანიშვილმა შეცვალა მენეჯერი თავის კორპორაციაში
- ხუხაშვილი: ირაკლი ღარიბაშვილი ვერ ჩამოყალიბდა ლიდერად
- ხუხაშვილი: კონსოლიდაციისთვის საჭიროა პოლიტიკურად უფრო კორექტული ადამიანები