ხიდაშელი: ალბათ პრემიერმა ჩათვალა, რომ პირველი რიგის ამოცანები შესრულებულია

ჩვენ ვიცოდით, რომ ის ამ გადაწყვეტილების შესახებ ფიქრობდა, უკვე კარგა ხანია, თუმცა, ბუნებრივია, რომ დღეს და რომელ საათზე მოხდებოდა ეს არ ვიცოდით და ჩვენთვის არ იყო ეს სიახლე. მე ვფიქრობ, რომ ირაკლის ჰქონდა იმის სურვილი, მოთხოვნილება, მოლოდინი, რომ საზოგადოებისთვის ეჩვენებინა, რომ არ აქვს მნიშვნელობა ასაკს, არ აქვს მნიშვნელობა რა მასშტაბის ძალაუფლებას ატარებ, როდესაც ჩათვლი, რომ კონკრეტული მიზანი, იმ მომენტის ამოცანა მიღწეულია, შესაძლებელია ასპარეზი დაუთმო სხვა ადამიანებს. ვფიქრობ, რომ ვიზალიბერალიზაციის პროცესში, გარდამტეხი გადაწყვეტილება, რომელიც სულ რამდენიმე დღის წინ მივიღეთ, იყო მთავარი ფაქტორი ამ გადაწყვეტილების თარიღის მომწიფებისთვის. როგორც სჩანს პრემიერმა ჩათვალა, რომ ის პირველი რიგის ამოცანები შესრულებულია და ახლა, ახალი სისხლი, ახალი ენთუზიაზმი და ადამიანი სჭირდება ქვეყანას. ამიტომ, ასეთი მოქმედება, განსაკუთრებით საქართველოში რა თქმა უნდა დასაფასებელია