ივანიშვილი: დღევანდელი რუსთავი 2 რეალTV-სგან არაფრით განსხვავდება

თუ ჩემზე და დღევანდელ მთავრობაზე კითხვებია, მე ჭკუა მეყოფოდა, რომ ასეთი აჟიოტაჟის საშუალება არ მიმეცა. იმიტომ კი არა, რომ ეს უკანონოა, იმიტომ, რომ ამის პრაქტიკა ძალიან ცოტაა საქართველოში. მაღლა აწიეს თემა, აქ ასაწევი არაფერი არ არის. რა თქმა უნდა, მე პირადად, პოლიტიკურად თავშივე ვეტყოდი მთავრობასაც, მე პირადად ასეთი ბრიყვი არ ვარ, რომ ასეთი კოზირი გადამეგდო მათთვის, რომ აჟიოტაჟი აეწიათ. რა თქმა უნდა, ეს პოლიტიკურად ძალიან აზიანებს სახელმწიფოს, მთავრობას, პირადად ჩემს გვარს ატრიალებენ, რამდენსაც გნებავთ. ასეთი აჟიოტაჟის აწევას არ მივცემდი. რუსთავი 2 ჩემთვის საინტერესოა ზუსტად იმ ფორმაში, როგორშიც დღესაა. ჩვენ არჩევნები რეალTV-ით მოვიგეთ. მე პირადად რეალTV ყველაზე მეტს მეხმარებოდა. დღევანდელი რუსთავი 2 რეალTV-სგან არაფრით განსხვავდება. მაგრამ აჟიტირებულია, უფრო მეტია - ხალხი ღებულობს მონაწილეობას.