საქართველოში არსებული ყველა ტელევიზია პრაქტიკულად არის საკმაოდ მკაფიოდ გამოკვეთილი კრიტიკული ტელევიზიები და ძალიან მომწონს ეს, სიმართლე რომ გითხრათ. ამიტომ, არანაირი საფუძველი არ არსებობს არც ფრიდომ ჰაუსის და არც ვინმეს მხრიდან, რომ ეჭვი შეიტანონ, თითქოსდა, მთავრობა, ხელისუფლება ცდილობს, შეაფერხოს კრიტიკული აზრის გამოთქმის საშუალება ტელევიზიებში. ეს გინდა, რუსთავი ორს ეხებოდეს, გინდა - სხვა ტელევიზიებს. ამიტომ, მე ვერ ვხედავ ვერანაირ საფუძველს ამ განცხადების, ეს ერთი. მეორე, მე ღრმად ვარ დარწმუნებული, რომ რუსთავი 2 იქნება აუცილებლად ისეთივე კრიტიკული, როგორიც იყო ყოველთვის, იმიტომ, რომ მე მოვისმინე ყველა მხარის დამოუკიდებულება რუსთავი ორის და მისი ჟურნალისტების მიმართ და ყველა ცალსახად და მკაფიოდ ამბობს, რომ ჟურნალისტებს და იმ პროფესიონალებს, ვინც მუშაობს და ქმნის რუსთავი ორის სახეს, მათ არავითარი საფრთხე არ ემუქრებათ.
tbl.ge/xcu
დაკოპირდა
შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილი Freedom House-ის ვიცეპრეზიდენტის განცხადების შესახებ დასმულ კითხვაზე. როგორც რობერტ ჰერმანი ამერიკის ხმისთვის მიცემულ ინტერვიუში ამბობს, სახეზეა იმის ნიშნები, რომ ცენზურის მცდელობა არა მხოლოდ რუსთავი 2-ს, არამედ სხვებსაც ეხებათ, ვინც მთავრობისადმი კრიტიკულადაა განწყობილი.
ამავე თემაზე
- დვალი-აქიმიძის სარჩელი არც სააპელაციო სასამართლომ დააკმაყოფილა
- მელაძე: სასამართლომ რუსთავი 2-დან ჩემი გათავისუფლება უკანონოდ ცნო, ბრძანება გააუქმა
- დვალი: იმ არგუმენტაციამ, რაც მოსამართლემ მოიყვანა, აბსოლუტურად გაოგნებული დაგვტოვა
- რუსთავი 2-ის საქმეზე ჯარჯი აქიმიძისა და დავით დვალის სარჩელი არ დაკმაყოფილდა
- დავით დვალი R2-ზე: საქმეს აუცილებლად მივყვებით ბოლომდე