რუსული სამგზავრო თვითმფრინავის ჩამოგდებაზე პასუხისმგებლობა ე.წ. ისლამურმა სახელმწიფომ აიღო. ინფორმაცია დაჯგუფებამ ინტერნეტის საშუალებით გაავრცელა.
"ისლამური სახელმწიფოს მებრძოლებმა შეძლეს რუსული თვითმფრინავის ჩამოგდება, რომელსაც 220 რუსი ჯვაროსანი მიჰყავდა. ყველა მკვდარია, მადლობა ღმერთს",- ნათქვამია ISIS-ის განცხადებაში.
მანამდე, ეგვიპტური მხარე ავიაკატასტროფას ტექნიკურ ხარვეზს უკავშირებდა.
რუსული სამგზავრო თვითმფრინავი ეგვიპტეში, სინაის ნახევარკუნძულზე დღეს ჩამოვარდა. ბორტზე მყოფი ყველა ადამიანი დაიღუპა. მგზავრების უმრავლესობას რუსი ტურისტები შეადგენდნენ. რუსეთმა პირველი ნოემბერი გლოვის დღედ გამოაცხადა.