როდესაც პოლიტიკურ ლიდერებს იჭერენ, არ აქვს მნიშვნელობა - რა ბრალდებით იჭერენ, იმიტომ რომ, როცა ამოსავალია არა დანაშაული, არამედ პიროვნება, ყოველთვის შეიძლება მოიძებნოს ბრალდება, მითუმეტეს, სახელმწიფო მოღვაწის მიმართ, რომელსაც ეკავა რაღაც თანამდებობა. მითუმეტეს, როცა ეს ბრალდება გამოიყურება სრულიად უსუსურად და დაუსაბუთებლად, მაშინ კიდევ უფრო ნათელია პოლიტიკური მოტივი. ბრალდება დასაბუთებულიც რომ იყოს და მართლაც რომ ჰქონდეს რაღაც კანონდარღვევას ადგილი, რაც ამ შემთხვევაში არ ჩანს, ეს პროცესი მაინც პოლიტიკური იქნებოდა და ეს საეჭვო არ არის, იმიტომ, რომ ცხადია მიზეზი და მოტივია დაპატიმრება და არა ის, რა ბრალდებას წარუდგენენ მას. მიზეზი და მოტივი არის სურვილი, აკვიატება, ამოჩემება ბატონი გიგისი და არამარტო... პოლიტიკური ამოჩემება გარკვეული ჯგუფის ამ ხელისუფლებისგან და დევნა, თორემ ბრალდება ყოველთვის მოიძებნება, მთავარია, ადამიანის დაჭერა არ უკავშირდებოდეს პოლიტიკურ მოტივებს და მთავარი სულაც არ არის, თუ რა ედება მას კონკრეტულად ბრალად. ამ დღეებში კიდევ უფრო მკვეთრად და აშკარად გამოიკვეთა ეს აკვიატებული სურვილი, რომ თუნდაც რამდენიმე საათით არ ყოფილიყო გარეთ გიგი უგულავა, არ შეძლებოდა ინტერვიუების მიცემა, თავისი აზრის გამოთქმა, აკვიატებული სურვილი, რომ მინიმუმამდე დაეყვანათ მისი გარეთ ყოფნა.
tbl.ge/o8y
დაკოპირდა
ილია ჭავჭავაძის საზოგადოების თავმჯდომარე თამარ ჩხეიძე ტაბულას ეთერში, გადაცემა თეორემაში.
ამავე თემაზე
- ბოკერია: უგულავას საქმის გაგრძელებით ჩანს, შეთანხმების გარღვევად გამოცხადება შეცდომა იყო
- უგულავა: ვინც არ უნდა დაიჭირონ, ჩვენი ციხიდან გამოშვება რიგგარეშე არჩევნებში არ გაიცვლება
- Edison Research: 61% გიგი უგულავას დაპატიმრებას უსამართლოს უწოდებს
- თბილისის აეროპორტში მომხდარი ინციდენტი - სასამართლომ უგულავას აღკვეთის ღონისძიება გაუუქმა
- უზენაესმა სასამართლომ დაადასტურა, რომ უგულავას საქმე დარღვევებით განიხილა