ეროვნული ბანკის შესახებ კანონპროექტზე პრეზიდენტის ვეტოს პარლამენტი დღევანდელ პლენარულ სხდომაზე განიხილავს. დეპუტატები დღესვე გეგმავენ საკითხის კენჭისყრაზე გატანას. შესაბამისი გადაწყვეტილება პარლამენტის ბიურომ გუშინ მიიღო. მმართველი გუნდი ვეტოს დაძლევისათვის ემზადება, რასაც პარლამენტის სულ მცირე 76 ხმა სჭირდება.
პარლამენტის საშემოდგომო სესიის პირველი პლენარული სხდომა 13:00 საათზე დაინიშნა. სესია პოლიტიკური განცხადებებით დაიწყება.
