როგორც ტაბულასთვის გახდა ცნობილი, დღეს გვიან საღამოს, ოქროყანის მიდამოებში სროლის შედეგად შინაგან საქმეთა მინისტრის ყოფილი მოადგილე ლევან გვაზავა დაიჭრა, მის თანმხლები პირი კი გარდაიცვალა. ლევან გვაზავას მდგომარეობა მძიმეა.
შსს-ში ინფორმაციას დანაშაულის შესახებ ადასტურებენ, თუმცა დაზარალებულთა ვინაობას არ აკონკრეტებენ. შსს-ს ინფორმაციით, გარდაცვლილია ერთი ადამიანი, მეორე კი დაშავდა. გამოძიება სსკ-ის 108-ე, განზრახ მკვლელობის მუხლით მიმდინარეობს.
