რუსეთის კომუნიკაციების ზედამხედველობის უწყებამ ვიკიპედიის დაბლოკვა გადაიფიქრა. როსკომნადზორის განცხადებით, ვიკიპედიის სადავო მასალა, რომლის დაბლოკვაც მთელი სერვისის დაბლოკვას გამოიწვევდა, აკრძალული საიტების სიიდან ამოიღეს.
მანამდე გადაწყვეტილება ვიკიპედიის ერთ-ერთი ლინკის დაბლოკვის შესახებ ასტრახანის ოლქის სასამართლომ მიიღო. ეს გვერდი სიტყვა "ჩარასის" რამდენიმე განმარტებას შეიცავდა, საიდანაც ერთ-ერთი ნარკოტიკულ საშუალებას ნიშნავს. სწორედ ეს გახდა აკრძალვის მიზეზი.
პროვაიდერებმა რუსეთში ვიკიპედიის დაბლოკვა დაიწყეს. თუმცა მოგვიანებით უწყებამ განაცხადა, რომ გვერდი დარედაქტირებულია და აკრძალვა მოიხსნა.