თალიბანის ლიდერი მულა ომარი ცოცხალი აღარ არის. ინფორმაციას ამის შესახებ BBC ავღანეთის ოფიციალურ პირებზე დაყრდნობთ ავრცელებს. წყაროების მტკიცებით, თალიბების ლიდერი უკვე ორი-სამი წლის გარდაცვლილია, თუმცა ეს ფაქტი არ ხმაურდებოდა. BBC-ის ცნობით, თალიბანის წარმომადგენლები ამბობენ, რომ ოფიციალურ კომენტარს გავრცელებული ცნობის შესახებ მოგვიანებით გააკეთებენ.
55 წლის მოლა ომარი თალიბანს 1996 წლიდან მეთაურობდა. შეერთებულ შტატებს მის დაკავებაში დახმარებისთვის ჯილდოდ 10 მილიონი დოლარი ჰქონდა დაწესებული.
