ევროპის რეკონსტრუქციისა და განვითარების ბანკის პრეზიდენტი თბილისში ჩამოვიდა

ევროპის რეკონსტრუქციისა და განვითარების ბანკის პრეზიდენტი სერ სუმა ჩაკრაბარტი თბილისში დღეს გამთენიისას ჩამოვიდა. მას თბილისის აეროპორტში ფინანსთა მინისტრი ნოდარ ხადური დახვდა. ყოველწლიური შეხვედრის ოფიციალურ გახსნამდე EBRD-ის პრეზიდენტი საქართველოს პრეზიდენტს და პრემიერმინისტრს, ასევე მინისტრთა კაბინეტის სხვა წევრებს შეხვდება. EBRD-ის პრეზიდენტის თქმით, საქართველომ რეფორმებით შექმნა მაგალითი იმისა, თუ რატომ უნდა განახორციელოს ევროპის რეკონსტრუქციისა და განვითარების ბანკმა ინვესტიციები ამ რეგიონში.

EBRD-ის ბიზნესფორუმის შესახებ კომენტარი ეროვნული ბანკის პრეზიდენტმა გიორგი ქადაგიძემაც გააკეთა.მისი თქმით, ეს კვირა ქართულმა მხარემ საინვესტიციო პოტენციალის წარმოსაჩენად კარგად უნდა გამოიყენოს.

EBRD-ის ბიზნესფორუმი თბილისში 14-15 მაისს იმართება.