ნარმანია: ნათესავები წინასაარჩევნო კამპანიაში დამსახურებისთვის დაინიშნენ

ადამიანები, რომლებიც თქვენ აქ ჩამოთვალეთ, არიან ჩვენი გუნდის წევრები. მე მათ ნაწილს ვიცნობ, ვინც ძალიან აქტიურად იყო ჩართული ჩვენთან ერთად წინასაარჩევნო პროცესებში, წინასაარჩევნო კამპანიაში და შესაბამისად იქნა მიღებული გადაწყვეტილება მათი ცალკეული მიმართულებით დანიშვნასთან დაკავშირებით. მე ვერ წარმომიდგენია, თუ არა გიორგი არეშიძე, ვინ შეიძლება ჩვენთან უხელმძღვანელოს ახალგაზრდულ მიმართულებას და სპორტს. გიორგის მე დიდი ხანია ვიცნობ, მე სხვა ალტერნატივა არც განმიხილავს, ვიცი მისი მიდგომები, მისი აქტიური ბრძოლა, მისი დამოკიდებულება ახალგაზრდულ პოლიტიკასა და სპორტთან მიმართებაში, ის არის ძალიან საღი გონების ადამიანი, რომელიც ყოველთვის იღებს ოპტიმალურ გადაწყვეტილებებს.