საპარლამენტო უმრავლესობის წევრ ირაკლი სესიაშვილის მოსაზრებით, იური ვაზაგაშვილის მკვლელი შესაძლოა, საოკუპაციო ზოლიდან მოქმედებდა.
"სადაც მოხდა აღნიშნული აქტი, ის ადგილი გეოგრაფიულად ახლოს არის საოკუპაციო ზოლთან, ამიტომ არ არის გამორიცხული, რომ ერთ-ერთი ვერსია შესაძლებელია, იყოს, რომ მკვლელი მოქმედებდა საოკუპაციო ზოლიდან. ეს, რა თქმა უნდა, კიდევ უფრო ართულებს ვითარებას", - თქვა სესიაშვილმა.
იური ვაზაგაშვილი კასპის რაიონის სოფელ ყარაფილის სასაფლაოზე 20 იანვარს დაიღუპა. პროკურატურამ მომხდარზე გამოძიება დამამძიმებელ გარემოებებში განზრახ მკვლელობის მუხლით დაიწყო.
