უკრაინის პრეზიდენტმა პეტრო პოროშენკომ ვლადიმირ პუტინს უკრაინიდან ჯარების გაყვანა და საზღვრის ჩაკეტვა მოსთხოვა. ავსტრალიაში ყოფნისას, პოროშენკომ რუს კოლეგას საჯაროდ მიმართა. მისი თქმით, ჯარის გაყვანისა და საზღვრის ჩაკეტვის შემდეგ, უკრაინაში მშვიდობისა და სტაბილურობის დამყარებას 3 კვირამდე პერიოდი დასჭირდება.
პოროშენკოს განცხადებით, უკრაინა არა მხოლოდ დამოუკიდებლობისა და ტერიტორიული მთლიანობისთვის, არამედ თავისუფლებისა და დემოკრატიისთვის იბრძვის.
