ღარიბაშვილი: შაჰ აბასს არ გაუკეთებია ისეთი რამ, რაც სააკაშვილმა გააკეთა

2009-2011 წლებში, 88 ათასი ტონა ყურძენი იქნა დაკრეფილი 3 წლის განმავლობაში სააკაშვილის დროს; და მაშინ ყურძნის ფასი იყო 50 თეთრიდან 90 თეთრამდე მაქსიმუმ, ისიც რამდენიმე თვე უწევდა მოსახლეობას ლოდინი. ჩვენ დროს 200 000 ტონა ყურძნის რეალიზაცია მოვახერხეთ და 270 მილიონი ლარი შევიდა კახეთის რეგიონში მხოლოდ, და ასევე რაჭაშიც. 4 000 ჰექტარი ახალი ვენახი გაშენდა ამ ორი წლის განმავლობაში. რატომ? იმიტომ რომ მოსახლეობას მიეცა იმედი, მეგობრებო, რწმენა მიეცა, იმიტომ რომ ხედავენ, რომ დაფასდა მათი შრომა. მას აღარ ეშინია ყურძნის მოყვანის, ვენახის გაშენების, მაშინ როცა სააკაშვილი პირდაპირ ავალებდა, რომ გაეჩეხა ქართველ გლეხს [ვენახი]. ეს შაჰ აბასს არ გაუკეთებია ასეთი რამ, ყველაზე სასტიკ დამპყრობლებს არ გაუკეთებიათ ასეთი რაღაც, რაც მან [სააკაშვილმა] გააკეთა.