უკრაინის პრემიერმა მიღო გადაწყვეტილება, უმაღლეს რადაში დაუყოვნებლივ შეიტანოს კანონპროექტი, რომელიც უკრაინის ნეიტრალური („ბლოკგარეშე“) სტატუსის გაუქმებას ითვალისწინებს. ამის შესახებ Facebook-ის საკუთარ გვერდზე უკრაინის შინაგან საქმეთა მინისტრმა არსენ ავაკოვმა დაწერა.
„თუ პარლამენტი ამას მხარს დაუჭერს, ეს NATO-სკენ პირდაპირი გზა იქნება. ამ სიტუაციაში ასეთი ნაბიჯის წინააღმდეგ მხოლოდ უგუნურები თუ გამოვლენ“, - აღნიშნა ავაკოვმა.
კანონი, რომელიც უკრაინას რომელიმე სამხედრო ბლოკის წევრობას უკრძალავდა, ქვეყნის პარლამენტმა ვიქტორ იანუკოვიჩის ხელისუფლებაში ყოფნის დროს, რუსეთის მოთხოვნით მიიღო.