თელავში 35 წლის მამაკაცი ჩაცხრილეს. ის ოპერაციის დროს გარდაიცვალა. მოკლულს ცეცხლსასროლი იარაღით რამდენიმე ჭრილობა ჰქონდა მიყენებული.
არსებული ინფორმაციით, ერეკლე მეორეს ქუჩაზე მოკლული მამაკაცი წარსულში ნასამართლევი კრიმინალური ავტორიტეტი არჩილ მაისურაძეა. ერთ-ერთი ვერსიით, მკვლელობის მიზეზად შურისძიება სახელდება.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 108-ე მუხლით, განზრახ მკვლელობის ბრალდებით მიმდინარეობს.
საქმეს კახეთის პოლიციის სამხარეო სამმართველო იძიებს.
