თბილისის საქალაქო სასამართლოში 26 მაისის საქმეზე ვანო მერაბიშვილის საქმის განხილვა გაიმართა. პროცესზე ბრალდების მოწმეები დაკითხეს. ვანო მერაბიშვილი პროცესს არ დასწრებია.
ბრალდების მიერ წარმოდგენილი მასალების მიხედვით, 2011 წლის 26 მაისს უშუალოდ მერაბიშვილის დავალებითა და ხელმძღვანელობით დაიგეგმა მომიტინგეების დაშლა და მათ დასარბევად არაპროპორციული ძალა გამოიყენეს. დაცვის მხარის განცხადებით კი, მოწმეთა ჩვენებებიდან მერაბიშვილის ბრალეულობა ვერ მტკიცდება და მხოლოდ კონკრეტულ პოლიციელთა მხრიდან ძალის შესაძლო გადამეტებაზეა საუბარი.
