HBO-ს სერიალის, Game of Thrones მეოთხე სეზონის პრემიერა 6 აპრილს შედგება, ამის შესახებ ინფორმაცია HBO-მ გაავრცელა.
HBO-ს ინფორმაციით, ახალი სეზონის ტრეილერის ხილვა მაყურებელს სერიალ "ნამდვილი დეტექტივების" პრემიერის დროს შეეძლება.
Game of Thrones-ის მეოთხე სეზონი ჯორჯ რ.რ. მარტინის ფენტეზი წიგნების კრებულის (A Song of Ice and Fire) მესამე ნაწარმოების, A Storm of Swords, დასკვნითი ნახევრის ეკრანიზაცია იქნება.
სერიალში ახალი პერსონაჟები გამოჩნდებიან. მათ შორის ყველაზე მნიშვნელოვანი პრინც ობერინ მარტელის გამოჩენაა, რომელიც მესამე წიგნის ერთ-ერთი გამორჩეული პერსონაჟია. წითელ გველად (Red Viper) წოდებული პერსონაჟის როლს ჩილელი მსახიობი პედრო პასკალი შეასრულებს.
მეოთხე სეზონში ტიკო ნესტორისის, ბრაავოსის რკინის ბანკის წარმომადგენლის როლს შეასრულებს სერიალ "შერლოკის" ერთ-ერთი შემქმნელი მარკ გატისი.