კახა მიქაია, რომელიც 8 აგვისტოს პრეზიდენტის ზუგდიდის რეზიდენციასთან დააკავეს, ზუგდიდის რაიონულმა სასამართლომ 100-ლარიანი ჯარიმის სანაცვლოდ გაათავისუფლა.
ორგანიზაცია "დაიცავი საქართველოს" ერთ-ერთ დამფუძნებელს სამართალდამცავები წვრილმან ხულიგნობას ედავებოდნენ. მიქაია და "დაიცავი საქართველოს" სხვა წევრები 8 აგვისტოს ზუგდიდში ჩასულ მიხეილ სააკაშვილს რეზიდენციასთან დახვდნენ.
გათავისუფლების შემდეგ მიქაიამ თქვა, რომ ის თავს დამნაშავედ არ მიიჩნევს და მსგავსი აქციების გამართვას პრეზიდენტის ყოველ ჩასვლაზე გეგმავს.
