ოკუპირებული ტერიტორიების შესახებ კანონში შესატანი ცვლილებების პროექტის პირველი მოსმენით განხილვის დასრულება ვერც დღევანდელ სესიაზე მოესწრო. აღნიშნულ საკითხზე მსჯელობით განახლდება პარლამენტის ხვალინდელი სხდომა, რომელიც 12:00 საათისთვის დაინიშნა.
პარლამენტი ამ დროისთვის "ოკუპირებული ტერიტორიების შესახებ" პაკეტის ფარგლებში ადმინისტრაციულ სამართალდარღვევათა კოდექსში შესატან ცვლილებებს იხილავს, რომელიც ოკუპირებულ ტერიტორიებზე გადაადგილების წესის დარღვევისთვის 400-ლარიანი ადმინისტრაციული ჯარიმის შემოღებას ითვალისწინებს. საპარლამენტო უმცირესობა უმრავლესობას საქართველოს მთლიან ტერიტორიაზე საზღვრის გადაკვეთისთვის ჯარიმის შეერბილებას სთხოვს. უმცირესობის მთავარი მოთხოვნაა, რომ საზღვრის უკანონო გადაკვეთა ნებისმიერ ადგილზე თანაბარ დანაშაულად იყოს განხილული.
