საქართველოს თავდაცვის მინისტრი, ირაკლი ალასანია, აშშ-ის სახელმწიფო მდივნის მეორე მოადგილეს ევროპისა და ევრაზიის საკითხებში, ერიკ რუბინს შეხვდა. ამის შესახებ ინფორმაციას თავდაცვის სამინისტრო ავრცელებს.
შეხვედრაზე საუბარი შეეხო აშშ-ისა და საქართველოს ორმხრივი თანამშრომლობის საკითხებს, NATO-ში ინტეგრაციის პერსპექტივებსა და საქართველოს მიერ შეტანილ წვლილს ISAF-ის საერთაშორისო მისიაში. საქართველოს თავდაცვის მინისტრმა ასევე ყურადღება გაამახვილა მომავალ წელს საქართველოში დაგეგმილ NATO-ს სამხედრო კომიტეტის ვიზიტზე.
შეგახსენებთ, აშშ-ის სახელმწიფო მდივნის მეორე მოადგილე ევროპისა და ევრაზიის საკითხებში, ერიკ რუბინი, საქართველოში ორდღიანი ვიზიტით იმყოფება.