ცესკოს ინფორმაციით, 2012 წლის საპარლამენტო არჩევნებში 12:00 საათისთვის მონაწილეობა ამომრჩეველთა 25.5%-მა მიიღო. ბოლო წლებში ეს ამომრჩეველთა ყველაზე მაღალი აქტიურობაა. Civil.ge-სა და ცესკოს მონაცემებით, 2010 წელს იგივე დროისთვის საარჩევნო ურნებთან ამომრჩეველთა 20%, 2008 წელს საპარლამენტო არჩევნებში - 16.5%, იმავე წელს საპრეზიდენტო არჩევნებში - 21%, ხოლო 2004 წელს - 19% იდგა. 2012 წლის საპარლამენტო არჩევნებში, ამ წლებთან შედარებით, ამომრჩეველთა აქტივობა საშუალოდ 5%-ით უფრო მაღალია.
