კახეთში სტიქიის შედეგად დაზარალებული ოჯახების სტუდენტები, წელს სწავლის გადასახადებისგან თავისუფლდებიან. ამის შესახებ კახეთში სტუმრობისას, საქართველოს პრეზიდენტმა მიხეილ სააკაშვილმა განაცხადა.
,,დაზარალებული ოჯახების სტუდენტებს, წელს სწავლის გადასახადს მოვუხსნით. კი არ გავყინავთ, მოვუხსნით.’’-აღნიშნა მიხეილ სააკაშვილმა.
პრეზიდენტის თქმით, რამდენიმე დღეში დაზრალებული ოჯახებისთვის 1500 ლარიანი სახელმწიფო კომპენსაციების დარიგებაც დაიწყება, რაც სავარაუდოდ 15 აგვისტოსთვის დასრულდება.
სტიქიის შედეგად დაზარალებული ოჯახების სტუდენტების აღრიცხვა, კახეთის რაიონების გამგებლებმა 1 სექტემბრამდე უნდა დაასრულონ.