გაფართოებისა და ევროპული სამეზობლო პოლიტიკის საკითხებში ევროკომისარმა შტეფან ფულემ, ბათუმში მიმდინარე კონფერენციაზე, ოქტომბრის საპარლამენტო არჩევნების შესახებ ისაუბრა.
,,ოქტომბრის არჩევნები იქნება ძალიან მნიშვნელოვანი. არჩევნები უნდა იყოს თავისუფალი და სამართლიანი და თავიდან უნდა ავიცილოთ პოლარიზებული პოლიტიკა. ამ არჩევნებზე კანონის უზენაესობა, ადამიანის უფლებები და ფუნდამენტური თავისუფლებები უნდა იქნეს დაცული"-განაცხადა შტეფან ფულემ.
მისივე თქმით, ოქტომბრის საპარლამენტო არჩევნები გამოწვევაა როგორც ხელისუფლებისთვის, ასევე ოპოზიციისთვის.
ბათუმში მიმდინარე მეცხრე საერთაშორისო კონფერენციაში - ,,საქართველოს ევროპული გზა - ევროკავშირი და მისი ევროპელი მეზობლები’’ ევროპის სახალხო პარტიის პრეზიდენტი ვილფრიდ მარტენსი, მოლდოვის პრემიერ-მინისტრი ვლადიმირ ფილატი, გაფართოებისა და ევროპული სამეზობლო პოლიტიკის საკითხებში ევროკომისარი შტეფან ფულე და ევროკავშირის წევრი ქვეყნების სხვა მაღალი თანამდებობის პირები მონაწილეობენ.