სააპელაციო სასამართლომ ძალაში დატოვა კოალიცია "ქართულ ოცნებაში" შემავალ პარტიათა დაჯარიმების გადაწყვეტილება. როგორც ქართული ოცნების ადვოკატმა სანდრო ბარამიძემ სააგენტო ინტერსენიუს განუცხადა, პარტიების ანგარიშები შესაძლოა 4 ივლისს დააყადაღონ. სასამართლომ პარტიების დაჯარიმების გადაწყვეტილება 27 ივნისს მიიღო, შესაბამისად ჯარიმების გადახდის ვადა 4 ივლისს იწურება, რის შემდეგაც აღსრულების ღონისძიებების დაწყება იქნება შესაძლებელი.
27 ივნისს თბილისი საქალაქო სასამართლომ დააკმაყოფილა კონტროლის პალატის მოთხოვნა და ქართულ ოცნებაში შემავალი პარტიები 2 383 097 ლარით დააჯარიმა. კონტროლის პალატის თქმით, შპს "მენეჯმენტ სერვისმა" ანაზღაურების გარეშე გაარემონტა ქართული ოცნების ოფისები, რაც უკანონო შემოწირულობად ჩაითვალა.
