როგორც საქართველოს საგარეო საქმეთა მინისტრის მოადგილე ნინო კალანდაძემ აღნიშნა, 16 აპრილს, ვაშინგტონში დაგეგმილია აშშ-სა და საქართველოს შორის არსებული, სტრატეგიული პარტნიორობის შესახებ ქარტიის ფარგლებში სამუშაო ჯგუფის შეხვედრა. კალანდაძის თქმით: „ეს არის იმ ოთხი ჯგუფიდან ერთ-ერთი და ამ ეტაპზე ლაპარაკია დემოკრატიის ჯგუფის შეხვედრაზე."
საქართველოს მხრიდან დელეგაციეს უხელმძღვანელებს, უშიშროების საბჭოსს მდივანი გიგა ბოკერია, ამერიკული მხარეს კი სავარაუდოდ, აშშ-ის სახელმწიფო მდივნის თანაშემწე ევროპისა და ევრაზიის საკითხებში ფილიპ გორდონი წარმოადგენს, - განაცხადა კალანდაძემ დღევანდელ ბრიფინგზე.
ქარტიის ფარგლებში კიდევ 3 ჯგუფი ფუნქციონირებს - თავდაცვის და უსაფრთხოების, ვაჭრობის და ეკონომიკის და ხალხებს შორის კონტაქტების და კულტურული გაცვლის მიმართულებებით.
აშშ-საქართველოს სტრატეგიული თანამშრომლობის ქარტია 2009 წლის იანვარში, ვაშინგტონში გაფორმდა.
