კინოკომპანიამ Sony ლენ უაისმანის ფილმის, total recall, შთამბეჭდავი ტრეილერი გამოუშვა. ნამუშევარი 1990 წლის პოლ ვერჰუვენის ფილმის რიმეიქია. სამეცნიერო ფანტასტიკის ჟანრის ფილმი, კოლინ ფარელის მთავარი პერსონაჟის გარშემო ვითარდება, რომელიც ევროამერიკისა და ახალი შანხაის შორის, ძალაუფლებისათვის გამართულ ომში აღმოჩნდება, თან ისე, რომ არ იცის ვის მხარესაა თვითონ.
ფილმში მთავარ როლებს კოლინ ფარელი, კეიტ ბექინსეილი, ჯესიკა ბილი, ბილ ნაი და ბრაიან კრეინსტონი ასრულებენ.
total recall აშშ-ის კინოთეატრებში 2012 წლის 3 აგვისტოს გამოვა.
