ივანე ჯავახიშვილის სახელობის თბილისის სახელმწიფო უნივერსიტეტში სამეცნიერო ჟურნალის „თსუ მეცნიერება“ პირველი ნომრის პრეზენტაცია გაიმართა.
ჟურნალი „თსუ მეცნიერება“ სამეცნიერო–პოპულარული ჟურნალია და საერთაშორისო მნიშვნელობის სხვადასხვა სამეცნიერო მიმართულების კვლევებზე გვიამბობს, მაგალითად: ქართველი მეცნიერების წვლილზე ცერნის ( ატომური ფიზიკის ევროპული ცენტრის) კვლევებში, ქართული ღვინის უნიკალურ თვისებებზე, იმაზეც, რომ ვეფხისტყაოსანი, როგორც სიუჟეტური წყარო, მე-17-ე საუკუნეში, ინგლისში, შექსპირის თეატრში გამოუყენებიათ. ჟურნალის პირველი ნომერი მკითხველს ასევე მოუთხრობს ახალი არქეოლოგიური აღმოჩენების შესახებ, საქართველოში შიდსის პრობლემაზე და ასე შემდეგ.
ჟურნალი თსუ მეცნიერება წელიწადში ორჯერ გამოიცემა და მასში საქარველოში, კერძოდ, თსუ-ში მიმდინარე სამეცნიერო კვლევების შესახებ იქნება საუბარი.
