მედიაში გავრცელებული ცნობებით საბერძნეთის პრემიერ-მინისტრი, გეორგიოს პაპანდრეუ აპირებს უარი თქვას საბერძნეთის დასახმარებლად ევროზონის გადაწყვეტილების შესახებ რეფერენდუმის ჩატარებაზე . მედიაში გავრცელებული ცნობებით, საბერძნეთის პრემიერმა რეფერენდუმზე უარი ახსენა მთავრობის დღევანდელ სხდომაზე, მან თქვა, რომ ”რეფერენდუმი თვითმიზანი არაა”. ასევე ცნობილი გახდა, რომ საბერძნეთის პრემიერ-მინისტრმა უარი თქვა თანამდებობიდან გადადგომაზე.
პაპანდრეუმ რეფერენდუმის შესახებ გამოაცხადა მას შემდეგ, რაც ევროზონის ლიდერები შეთანხმდნენ ათენის დასახმარებლად 130 მილიარდის ევრო გამოყონ, ასევე შეთანხმდნენ საბერძნეთისთვის ვალების 50 პროცენტის ჩამოწერაზე. 4 ნოემბერს საბერძნეთის პარლამენტში გაიმართება კენჭისყრა მთავრობისადმი ნდობის საკითხზე.
