მოლდოვის პრემიერმინისტრმა ალექსანდრუ მუნტეანუმ 3 ივლისს განაცხადა, რომ მან თანამდებობის დატოვების გადაწყვეტილება მიიღო, რაც ასევე მთავრობის გადადგომასაც იწვევს.
მუნტეანუს, რომელიც ქვეყნის პრემიერი 2025 წლის ნოემბრიდან იყო, გადაწყვეტილების მიღების მიზეზი სრულად არ განუმარტავს.
"დღეს ჩემი პრემიერმინისტრობის ვადა დასრულდა. გადადგომა იმავე მომენტში გადავწყვიტე, როცა გავაცნობიერე, რომ ჩემი პრინციპებისა და რწმენის შესაბამისად ჩემი მანდატის შესრულება უკვე აღარ შემეძლო." – დაწერა მან X-ზე.
მოლდოვის საპარლამენტო პროცედურის მიხედვით, ახლა პრეზიდენტი მაია სანდუ საპარლამენტო ჯგუფებთან კონსულტაციებს გამართავს, რის შემდეგაც პრემიერმინისტრობისთვის კანდიდატს დაასახელებს.
მუნტეანუ თანამდებობაზე 2025 წლის სექტემბრის საპარლამენტო არჩევნების შემდეგ დაინიშნა, რომელშიც სანდუს "მოქმედებისა და სოლიდარობის პარტიამ" (PAS) პრორუსული მეტოქე დაამარცხა.
