ჩვენ ერთად ვიხსენიებთ ჩვენს გმირებს, სულიერ შვილებს, ძმებს და დებს, რომლებიც სამშობლოსთვის აღესრულნენ აფხაზეთში იმ საშინელ ომში. ასევე, ჩვენ ვიხსენიებთ არა მხოლოდ ქართველებს, არამედ მათთან ერთად აფხაზებსაც. ვიხსენებთ ცხინვალის ომსაც, ცხინვალში დაღუპულ ჩვენს დებს და ძმებს, როგორც ქართველებს, ასევე ოსებს. ღმერთმა აცხონოს მათი სულები, ღმერთმა მოაშუშოს ჩვენი დიდი ჭრილობა და მოგვცეს მადლი დიდი შერიგების, რომ მოხდეს ეს ჩვენი შერიგება და აღარ განმეორდეს არასოდეს ეს ძმათამკვლელი ომები, არამედ შევრიგდეთ და ჩვენი ძმური თანაცხოვრება როგორც იყო საუკუნეების განმავლობაში, ისე გაგრძელებულიყოს და გვეცხოვროს ერთიან ქვეყანაში, მშვიდობითა და ღვთის წყალობით.
კათოლიკოს-პატრიარქი შიო III
შიო III: ღმერთმა მოგვცეს მადლი შერიგების, რომ აღარ განმეორდეს ძმათამკვლელი ომები
