უკრაინასა და რუსეთს შორის აშშ-ს შუამავლობით გამართული მოლაპარაკებების მომდევნო რაუნდი შემდეგ კვირას ჟენევაში გაიმართება.
რუსული სამთავრობო მედია Interfax-ისა და უკრაინელი მაღალჩინოსნების მიხედვით, მხარეებს შორის შვეიცარიაში მოლაპარაკებები 17-18 თებერვალს შედგება.
გამოცემა Politico-ს ცნობით, უკრაინის პრეზიდენტის პრესსამსახურმა მათ, მოლაპარაკებების ადგილმდებარეობისა და დროის დადასტურებასთან ერთად, აცნობა, რომ უკრაინის დელეგაციამ შეხვედრისთვის მომზადება უკვე დაიწყო.
Politico-ს ინფორმაციით, მოლაპარაკებებზე რუსულ მხარეს ვლადიმირ პუტინის თანაშემწე, ვლადიმირ მედინსკი წარმოადგენს, რომელიც გასულ წელს სტამბოლში გამართულ მოლაპარაკებებზე რუსულ დელეგაციას ხელმძღვანელობდა.
ცნობისთვის, მოლაპარაკებების წინა რაუნდი თებერვლის დასაწყისში აბუ-დაბიში გაიმართა.
