ქუთაისში, ჭავჭავაძის გამზირზე, ბაზრის მიმდებარე ტერიტორიაზე ხანძარი იყო.
როგორც საგანგებო სიტუაციების მართვის სამსახურში ტაბულას უთხრეს, ხანძარი ლიკვიდირებულია და არავინ დაშავებულა.
ადგილობრივი მედია, ინფო იმერეთის ცნობით, დამწვარია 13 ჯიხური, პროდუქცია კი 100%-ით განადგურებულია.
ერთ-ერთი დაზარალებული ინფო იმერეთთან საუბრისას ამბობს, რომ ხანძარი გვიან ღამით გაჩნდა და როცა ადგილზე მივიდნენ პროდუქცია უკვე დამწვარი იყო.
