ილონ მასკის სოციალური ქსელი X-ის ფრანგულ ოფისებში პარიზის პროკურატურის კიბერდანაშაულის დანაყოფმა ევროკავშირის ევროპოლთან ერთად რეიდები ჩაატარა. საგამოძიებო მოქმედებები უკავშირდება X-ის ხელოვნურ ინტელექტ Grok-თან დაკავშირებულ საქმეს. პარიზის პროკურატურის განცხადების მიხედვით, გამოძიება უკავშირდება სექსუალური შინაარსიის დიპფეიქებს, ბავშვთა სექსუალური შევიწროების მასალის გავრცელების ხელშეწყობასა და ჰოლოკოსტის უარმყოფელი შინაარსის გავრცელებას.
საფრანგეთში გამოძიება გასულ თვეში Grok-ის მიერ გენერირებული სექსუალური შინაარსის ე.წ. დიპფეიქების გამო დაიწყეს. აქამდე Grok-ის წინააღმდეგ საქმე უკვე აღძრული იყო ანტისემიტური და ჰოლოკოსტის უარმყოფი ტექსტების შექმნის ბრალდებით.
პროკურატურის პრესრელისში ნათქვამია, რომ X-ის მფლობელი, ილონ მასკი და ყოფილი აღმასრულებელი დირექტორი, ლინდა იაკარინო "მოხალისეობრივ ინტერვიუებზე" 20 აპრილისთვის დაიბარეს.
"ამ ეტაპზე, ამ გამოძიების წარმოება კონსტრუქციული მიდგომის ნაწილია, რომლის საბოლოო მიზანია უზრუნველყოს, რომ პლატფორმა X საფრანგეთის კანონმდებლობას შეესაბამებოდეს, [საფრანგეთის] ეროვნულ ტერიტორიაზე ოპერირების ფარგლებში." - ნათქვამია პროკურატურის განცხადებაში.
მცირე ხნის წინ გამოქვეყნებული კვლევის მიხედვით, იანვარში, 11 დღეში Grok_მა შექმნა 3 მილიონამდე სექსუალური შინაარსის სურათი, მათ შორის 23 000-ში ბავშვები ფიგურირებდნენ.
ევროკავშრის ონლაინ პლატფორმების სახელმძღვანელოს ფარგლებში ახალი საქმე გახსნა ევროპულმა კომისიამაც. მათუ განცხადების მიხედვით, განიხილავენ აპლიკაციის დაბლოკვას ხელოვნური ინტელექტის კანონის ფარგლებში.
