სამხარაძე ვალტონენზე: ეს იყო ძალიან არამეგობრული ჟესტი

არ შემიძლია არ გამოვეხმაურო გუშინდელ ამბავს, მკაცრად ვგმობ იმ არამეგობრულ აქტს, რომელიც გუშინ ეუთო-ს თავმჯდომარე ქვეყნის საგარეო საქმეთა მინისტრმა ჩაიდინა. ეს, გარდა არამეგობრული აქტისა, იყო ქვეყნის შიდა საქმეებში უხეში ჩარევაა და ასევე, იმ ფაქტის უგულებელყოფა, რომ სულ რაღაც 10 დღის წინ საქართველოში ადგილი ჰქონდა ხელისუფლების ძალადობრივი დამხობის მცდელობას. დღეს ქალბატონი ვალტონენი იმყოფებოდა საოკუპაციო ხაზზე და გაავრცელა განცხადება, რომ ფინეთი მტკიცედ და ერთგულად უჭერს მხარს საქართველოს ტერიტორიულ მთლიანობას და სუვერენიტეტს. ამაზეა ნათქვამი, ფიცი მწამს, ბოლო მაკვირვებსო. ძალიან კარგია, რომ ფინეთი უჭერს მხარს საქართველოს ტერიტორიულ მთლიანობას, თუმცა სუვერენიტეტის მხარდაჭერა ნიშნავს იმას, რომ შენ არ უნდა ჩაერიო სხვა ქვეყნის პოზიცია, არ უნდა დაიჭირო რომელიმე პარტიის პოზიცია და როგორც მინიმუმ გაემიჯნო ძალადობას. ამიტომ ეს იყო ძალიან არამეგობრული ჟესტი. ეუთო-ს შემდეგ საპარლამენტო ასამბლეაზე, გპირდებით, ამ საკითხს დავაყენებ.