ინდოეთში, ტამილანდის შტატში, პოლიტიკოსისა და მსახიობის, ვიჯაის მიერ ორგანიზებულ მიტინგზე მომხდარი ჭყლეტის შედეგად 39 ადამიანი დაიღუპა.
ტამილანდის ჯანდაცვის მინისტრის თქმით, დაღუპულთა შორის 16 ქალი და 6 ბავშვია.
გარდა ამისა, ჭყლეტის შედეგად დაშავდა მინიმუმ 50 ადამიანი.
შტატის ხელმძღვანელის, მუთხუველ კარუნანიდჰი სტალინის განცხადებით, მომხდარს სამართალდამცავები გამოიძიებენ, ხოლო თითოეული დაღუპულის ოჯახს 1 მილიონი რუპია (დაახლოებით $11 300) გადაეცემა.
მიტინგის ორგანიზატორმა, ვიჯაიმ თქვა, რომ "გულგატეხილია" და დაღუპულების ოჯახებს მიუსამძიმრა.
