ივანიშვილის წარმომადგენლის შალვა პაპუაშვილის თქმით, აშშ-ს პრეზიდენტ დონალდ ტრამპსა და მიხეილ ყაველაშვილს შორის "მნიშვნელოვანი საუბარი" შედგა.
"საქართველოს პრეზიდენტს აქვს თავისი განრიგი. იყო აშშ-ს პრეზიდენტის მიღებაზე მიწვეული. ჰქონდა შესაძლებლობა მასთან გასაუბრების, [...] ისეთ ფორმატში, სადაც ფოტოგადაღებები არ ხდება.
ჰქონდა მნიშვნელოვანი საუბარი, ჩვენთვის ესაა მნიშვნელოვანი" - ამბობს პაპუაშვილი.
ჟურნალისტმა პაპუაშვილს ჰკითხა, რატომ არ იყო მიწვეული ყაველაშვილი ვახშამზე, სადაც მიწვეული იყვნენ აზებაიჯანისა და სომხეთის ლიდერები.
"იქ სავახშმოდ არ არის პრეზიდენტი ჩასული, არის საქმეზე" - უპასუხა პაპუაშვილმა.
ყაველაშვილი აშშ-ში 21 სექტემბერს გაემგზავრა გაეროს გენერალურ ასამბლეაზე დასასწრებად.
