უკრაინის ეროვნული ანტიკორუფციული ბიურომ (НАБУ) და პროკურატურის სპეციალიზებულმა ანტიკორუფციულმა სამსახურმა (САП) მოსყიდვის სქემა გამოავლინა, რომელშიც პარლამენტის წევრი, მოქმედი და ყოფილი რეგიონული თანამდებობის პირები და ეროვნული გვარდიის წევრები მონაწილეობდნენ.
ეროვნული ანტიკორუფციული ბიუროს ცნობით, შეთქმულებაში მონაწილე ოფიციალურმა პირებმა, სავარაუდოდ, მიითვისეს დრონებისა და ელექტრონული საბრძოლო მოქმედებების (EW) აღჭურვილობის შესაძენად განკუთვნილი თანხები.
უწყების ცნობით, კორუფციულ სქემაში მონაწილეობდნენ უკრაინელი პარლამენტის წევრი, ლუგანსკის ოლქის ყოფილი გუბერნატორი, რაიონული და ქალაქის სამხედრო ადმინისტრაციის ამჟამინდელი ხელმძღვანელები, ეროვნული გვარდიის სამხედრო დანაყოფის უფროსი და დრონების მომწოდებელი კომპანიის დირექტორი.
Українська правда წყაროებზე დაყრდნობით წერს, რომ საუბარია პარლამენტის წევრ ოლექსი კუზნეცოვზე (ხალხის მსახური), სერგეი გაიდაიზე (ლუგანსკის ყოფილი გუბერნატორი) და ანდრეი იურჩენკოზე (ლუგანსკის ოლქის ერთ-ერთი მხარის ხელმძღვანელი).
