ერთ-ერთი ყველაზე მსხვილი სტრიმინგ პლატფორმა, HBO Max საქართველოში შემოდის - ის ქართველი მომხმარებელისთვის მიმდინარე წლის ივლისის თვიდან იქნება ხელმისაწვდომი.
Warner Bros. Discovery-ის საერთაშორისო სტრიმინგ პლატფორმა 2020 წლის მაისიდან ფუნქციონირებს და მის მომხმარებელს საგულისხმოდ მდიდარ ვიდეოთეკას სთავაზობს, რაც ნიშნავს, რომ ქართველი მაყურებელი მალე ოფიციალურად მიიღებს წვდომას ისეთ პოპულარულ ტელესერიალებსა და შოუებზე, როგორებიცაა:
- The Sopranos,
- The Last of Us,
- The White Lotus,
- Peacemaker,
- Sex and the City,
- The Big Bang Theory,
- Friends,
- House of Dragons
HBO Max-ის ოფიციალურ საიტზე ასევე ვკითხულობთ, რომ მიმდინარე წლის ივლისიდან, პლატფორმაა ხელმისაწვდომი გახდება 12 ახალი ქვეყნისთვის
სიაში შედიან: საქართველო, ალბანეთი, სომხეთი, კვიპროსი, ესტონეთი, ისლანდია, ყაზახეთი, ყირგიზეთი, ლატვია, ლიტვა, მალტა და ტაჯიკეთი.
ქართველი მომხმარებელისთვის HBO Max-ის ორი ტიპის სააბონენტო პაკეტი იქნება ხელმისაწვდომი:
სტანდარტული პაკეტი – რომლის ღირებულება თვეში €9.99 ან წელიწადში €99.90 იქნება - აღნიშნული პაკეტით სტრიმინგი ერთდროულად ორ მოწყობილობაზეა შესაძლებელი, ფილმებისა და სერიალების სრულ, HD ხარისხით ყურების ფუნქციითა და 30-მდე გადმოწერის შესაძლებლობით.
პრემიუმ პაკეტი – რომლის ღირებულებაც თვეში €11.99 ან წელიწადში €119 იქნება. ამ პაკეტის მფლობელებს სტრიმინგი ერთდროულად ოთხ მოწყობილობაზე შეეძლებათ, 4K ხარისხში, 100-მდე შოუსა და ფილმის გადმოწერის შესაძლებლობით.
გადახდა შესაძლებელი იქნება Visa, Mastercard, Amex, PayPal-ის მეშვეობით, ან პირდაპირ აპლიკაციიდან (Apple App Store, Google Play Store და Samsung Checkout).
