27 ივნისს, რუსეთმა უკრაინის რეგიონებზე 363 უპილოტო საფრენი აპარატი და 8 რაკეტით მასიური იერიში მიიტანა.
უკრაინის საჰაერო თავდაცვის ძალების ინფორმაციით, განადგურებულია 217 საჰაერო სამიზნე.
გარდა ამისა რადიო ელექტრო ბრძოლის ქვედანაყოფების მუშაობის შედეგად, ლოკაციურად დაკარგულია 148 საჰაერო სამიზნე.
"იერიშის შედეგად 3 ლოკაციაზე დაზიანდა შენობები, გარდა ამისა, 8 ლოკაციაზე ჩამოვარდა უპილოტო საფრენი აპარატების ნამსხვრევები". – წერია საჰაერო თავდაცვის ძალების ანგარიშში.
საჰაერო იერიში მოგერიებაში ასევე მონაწილეობდა ავიაცია, საზენიტო სარაკეტო ჯარები და უკრაინის შეიარაღებული ძალების მობილური ცეცხლის ჯგუფები.
რუსეთი უკრაინის ტერიტორიას ავიაციითა და არტილერიით ყოველდღიურად ბომბავს.
