უკრაინის შეიარაღებული ძალების გენერალური შტაბის ინფორმაციით, უკრაინულმა ძალებმა 5 ივნისს რუსეთის ბრიანსკის ოლქში მდებარე რუსულ სარაკეტო სისტემებზე სარაკეტო დარტყმა განახორციელეს.
მათივე ინფორმაციით, დარტყმამ გაანადგურა ერთი ისკანდერის ტიპის სარაკეტო სისტემა და სერიოზულად დააზიანა ორი. სამიზნე იყო რუსეთის 26-ე სარაკეტო ბრიგადის ქვედანაყოფი, რომელმაც უკრაინის ტერიტორიაზე გასროლა სცადა - სავარაუდოდ კიევის მიმართულებით - რის შემდეგაც საპასუხო დარტყმა მიიღო.
"ზუსტი დაზვერვისა და შეიარაღებული ძალებისა და უსაფრთხოების სამსახურის კოორდინირებული მოქმედებების შედეგად, სამიზნეები წარმატებით განადგურდა" - ნათქვამია გენშტაბის განცხადებაში.
განცხადებაში ასევე აღნიშნულია, რომ მშვიდობიან მოსახლეობას შორის მსხვერპლი არ ყოფილა, ხოლო რუსული დანაკარგების შეფასება ამ ეტაპზე გრძელდება.
ისკანდერი არის ბალისტიკური სარაკეტო სისტემა, რომელსაც რუსეთი სამხედრო და ინფრასტრუქტურულ ობიექტებზე ზუსტი დარტყმებისთვის მიმდინარე ომში იყენებს.
