ბათუმში ძლიერი ქარის გამო შენობის ხარაჩო ჩამოვარდა, რის შედეგადაც 2 მოქალაქე დაშავდა. ისინი ამჟამად კლინიკაში იმყოფებიან.
ინფორმაცია ტაბულას საგანგებო სიტუაციების მართვის სამსახურმა დაუდასტურა.
მოქალაქეები ქუჩაში გადაადგილდებოდნენ, როდესაც მათ შენობიდან ჩამოვარდნილი ხარაჩო დაეცათ.
გამოცემის, Ajara Times-ის მიერ გავრცელებული ცნობით, დაშავებული მოქალაქეები ცოლ-ქმარი არიან.
