აშშ-სა და ჩინეთს შორის სავაჭრო პოლიტიკაზე მოლაპარაკებები 10 მაისს, ჟენევაში გაიმართება. შვეიცარიის დედაქალაში აშშ-ს ფინანსთა მინისტრი, სკოტ ბესენტი და ვაჭრობასთან დაკავშირებულ საკითხებში მთავარი მომლაპარაკებელი, ჯეიმისონ გრირი ჩინეთის წარმომადგენელს, ეკონომისტ ჰე ლიფენგს შეხვდებიან.
შეხვედრის შესახებ გავრცელებული ინფორმაცია როგორც ვაშინგტონმა, ასევე პეკინმაც დაადასტურა.
"ვფიქრობ, ეს [შეხვედრა] დეესკალაციას შეეხება" – თქვა ბესენტმა Fox-თან.
ცნობისთვის, 10 აპრილს, აშშ-ს თეთრმა სახლმა განმარტა, რომ ჩინურ იმპორტში აშშ-ს ჯამში, სულ მცირე, 145%-იანი ტარიფი აქვს დაწესებული.
ჩინეთმა ტრამპის მიერ დაწესებული ტარიფების საპასუხოდ, ამერიკულ საქონელზე იმპორტის გადასახადი 84%-დან ასევე 125%-მდე გაზარდა, რაც ძალაში 12 აპრილს შევიდა.
