პოლონეთში ინტერნეტ თაღლითობის ფაქტზე საქართველოს 29 წლის მოქალაქე დააკავეს.
არსებული ინფორმაციით, დაკავებულმა მამაკაცმა გადაზიდვის საფასურთან დაკავშირებით ყალბი ბმულები გაავრცელა, რის შედეგადაც დაზარალებულის ონლაინ ბანკზე მოიპოვა წვდომა - მან 8 000 პოლონური ზლოტი (დაახლოებით, 2 000 აშშ დოლარი) მიითვისა.
ლუბარტოვის რაიონულმა სასამართლომ აღკვეთის ღონისძიების სახით სამთვიანი პატიმრობა გამოიყენა - დაკავებულ საქართველოს მოქალაქეს 8 წლამდე თავისუფლების აღკვეთა ემუქრება.
