საქართველოს ეროვნული ბანკის მონაცემებით, 2025 წლის იანვარში საქართველოში შემოსული ფულადი გზავნილების ნაკადების მოცულობამ 242.44 მილიონი აშშ დოლარი (8689.5 მილიონი ლარი) შეადგინა, რაც 8.5%-ით ნაკლებია 2024 წლის იანვრის ანალოგიურ მაჩვენებელზე.
2025 წლის იანვარში ყველაზე მეტი (ჯამური ჩარიცხვების 19.52%) ფულადი გზავნილი ამერიკის შეერთებული შტატებიდან შემოვიდა - 47.31 მილიონი დოლარი. მეორე ადგილზეა იტალია (19.04%), საიდანაც გასულ თვეში 46.16 მილიონი დოლარი გადმოირიცხა. მესამე ადგილზე კი რუსეთია - (10.5%) 25.46 მილიონი აშშ დოლარი.
ქვეყნები, საიდანაც 2025 წლის იანვარში საქართველოში ყველაზე მეტი თანხა გადმოირიცხა:
- აშშ - 47.31 მლნ აშშ დოლარი.
- იტალია - 46.16 მლნ აშშ დოლარი.
- რუსეთის ფედერაცია - 25.46 მლნ აშშ დოლარი.
- ისრაელი - 21.31 მლნ აშშ დოლარი.
- გერმანია - 19.35 მლნ აშშ დოლარი.
- საბერძნეთი - 18.99 მლნ აშშ დოლარი.
- თურქეთი - 7.55 მლნ აშშ დოლარი.
- ყირგიზეთი - 6.18 მლნ აშშ დოლარი.
- ესპანეთი - 5.28 მლნ აშშ დოლარი.
- ყაზახეთი - 4.74 მლნ აშშ დოლარი.
- ირლანდია - 4.50 მლნ აშშ დოლარი.
- საფრანგეთი - 4.45 მლნ აშშ დოლარი.
- გაერთიანებული სამეფო - 3.39 მლნ აშშ დოლარი.
- აზერბაიჯანი - 3.30 მლნ აშშ დოლარი.
- პოლონეთი - 2.15 მლნ აშშ დოლარი.
- კანადა - 1.93 მლნ აშშ დოლარი.
- არაბთა გაერთიანებული საამიროები - 1.85 მლნ აშშ დოლარი.
- იორდანია - 1.69 მლნ აშშ დოლარი.
- კვიპროსი - 1.49 მლნ აშშ დოლარი.
- საუდის არაბეთი - 1.43 მლნ აშშ დოლარი.
ეროვნული ბანკის განცხადებით, 2025 წლის იანვარში საქართველოდან საზღვარგარეთ 28,3 მილიონი აშშ დოლარი გადაიგზავნა. რაც 2024 წლის იანვრის ანალოგიურ მაჩვენებელთან შედარებით 8,4% მეტია.
