24 იანვრის ღამეს, რუსეთმა უპილოტო საფრენი აპარატებით კიევის ოლქზე იერიში მიიტანა. ბოლო მონაცემებით, დაღუპულია 3 ადამიანი.
დაახლოებით 3:00 საათზე ოლქში საჰაერო თავდაცვის სისტემები ამუშავდა. ერთი დრონი დედაქალაქის თავზე დააფიქსირეს.
ოლქის მეთაურის მოვალეობის შემსრულებელმა, ნიკოლაი კალაშნიკმა მალევე გააკეთა განცხადება 2 დაღუპული მშვიდობიანი მაცხოვრებლის შესახებ.
"ერთი დაღუპულის სხეული კერძო სახლის ნანგრევებიდან ამოიყვანეს. მეორე დაღუპული, 36 წლის კაცი 10-სართულიან საცხოვრებელ სახლში ცხოვრობდა". – თქვა კალაშნიკმა.
მოგვიანებით ცნობილი გახდა კიდევ ერთი დაღუპულის შესახებ. ნახსენები კერძო სახლის ნანგრევებში კიდევ ერთი სხეული იპოვეს. დაღუპულები 1966 და 1965 წელს დაბადებული ცოლ-ქმარია.
გარდა ამისა, რუსეთმა უპილოტო საფრენი აპარატებით იერიში ლვოვზეც მიიტანა. დაღუპულების შესახებ ინფორმაცია არ არის.
