პარლამენტის IT დეპარტამენტის უფროსმა სპეციალისტმა, ალექსანდრე ძაძამიამ აპარატის უფროსს სამსახურიდან გათავისუფლების შესახებ მიმართა. ბრძანების ფოტო ძაძამიამ LinkedIn-ზე გამოაქვეყნა.
ძაძამია პარლამენტის ინფორმაციული ტექნოლოგიებისა და ტელეკომუნიკაციების დეპარტამენტის ინფორმაციული ტექნოლოგიების ინფრასტრუქტურის მართვის განყოფილების მთავარი სპეციალისტი იყო.
"საკუთარი სინდისის ხმა ყველაზე ღირებულია!", - დაწერა მან LinkedIn-ზე გამოქვეყნებულ პოსტში.
რეჟიმის მიერ ევროკავშირში გაწევრიანების შეჩერების შემდეგ, სამსახური სხვადასხვა უწყებაში დასაქმებულმა არაერთმა საჯარო მოხელემ დატოვა.
