მიშელი: არჩევნების გაყალბებაზე არსებული ეჭვები სერიოზულ გამოძიებას მოითხოვს

მე ვიცი ქართველი ხალხის გულწრფელი მისწრაფება, გაწევრიანდნენ ევროკავშირში. ჩვენ, ევროკავშირის მხარემ, მივიღეთ ძალიან მნიშვნელოვანი გადაწყვეტილება, როდესაც საქართველოს კანდიდატის სტატუსი მივანიჭეთ. მეორე მხრივ, [საქართველოში] ჩატარდა არჩევნები, რომლის გაყალბებაზეც სერიოზული ეჭვები არსებობს. ეს სერიოზულ გამოძიებას მოითხოვს - საჭიროა სიცხადე პროცესის შესახებ, რათა დავრწმუნდეთ, რომ ყველაფერი სამართლიანად და გამჭვირვალედ ჩატარდა. ამის გარშემო ეჭვები არამხოლოდ ევროპაში, არამედ მსოფლიოს სხვა ქვეყნებშიც არსებობს.