8 ნოემბერს რუსეთმა უკრაინის რამდენიმე ოლქზე მასიური იერიში მიიტანა.
ოდესის ოლქის დაბომბვის შედეგად დაიღუპა 1 და დაშავდა 9 ადამიანი. გარდა ამისა, დაზიანდა რამდენიმე კერძო სახლი, საწყობი, სასწავლო დაწესებულება და ავტომობილები.
ეროვნული პოლიციის ინფორმაციით, კიევის ოლქის დაბომბვის შედეგად დაიჭრა მინიმუმ 4 მშვიდობიანი მოქალაქე. ხანძარი გაჩნდა ბენზინგასამართი სადგურის ტერიტორიაზე.
დაახლოებით 3:30 საათზე ოკუპანტებმა 500-კილოგრამიანი საავიაციო ბომბებით იერიში მიიტანეს ხარკოვზე.
ხარკოვის სამხედრო ადმინისტრაციის, ოლეჰ სინეგუბის თქმით, დაბომბვის შედეგად დაიჭრა 25 ადამიანი, 5 მათგანი საავადმყოფოშია გადაყვანილი.
რუსეთი უკრაინის ტერიტორიას ყოველდღიურად ავიაციითა და არტილერიით ბომბავს.
